PAL
Mellad 2 - Ar gevredigezh eo he fal :
- kas war-raok ar brezhoneg hag ar sevenadur breizhek dizehan en deskadurezh en n'eus forzh pesort live e ve ;
- bodañ kement kelenner zo oll, hag an oll dud er c'helenn pe en deskadurezh lodek en mont war-raok ar brezhoneg ;
- difenn madoù-korf ha madoù-spered an dud-se diouzh pal kentañ ar gevredigezh.

IZILI
Mellad 3 - Izili oberiant, madoberour hag enor zo oc'h ober ar gevredigezh.
a) An ezel oberiant eo ar c'helenner brezhoneg, n'eus forzh pesort statut e ve e hini (stajiad, titlad, deus ar skolioù prevez, publik, kevredigezhel, deus ar skol-vamm d'ar skol-veur), paeet gantañ e skodenn, a gemer perzh en kement a ra UGB. N'eus nemet an izili oberiant a c'hall bezañ dilennet er C'huzul-Merañ.
b) An ezel madoberour eo an hini a harp ar gevredigezh dre e skiant pe dre e arc'hant.
c) An ezel-enor eo an den, skedus, brudet ha barrek, a enor ar gevredigezh deus e baeroniezh diwar goulenn he Burev.
Perzh a gemer an izili madoberour hag enor en mouezhiadegoù er Vodadeg Veur.
N'eo stag UGB ouzh relijion ebet, sindikad ebet, strollad politikel ebet. A-hend-all eo dieub hec'h izili da emezelañ d'ar strolladoù a blij dezhe, ha n'eo ket o falioù nag o zuioù kontrol da re UGB.

RAVOKIÑ
Mellad 4 - Kollet e vez an anv a ezel dre reiñ an dilez pe dre ravokiñ : abalamour n'eo ket bet paeet ar skodenn, pe n'eus ket doujet d'ar statudoù ha d'ar reoliadurioù diabarzh, pe zo graet gwall bras d'ar gevredigezh.
Distaget e vez ar ravokiñ gant ar C'huzul-Merañ. An den e-barzh ar jeu a vez klevet gant ar Vodadeg Veur hag e c'hall ober galv dirazi, stadudet e vez ganti er fin diwezañ. N'eo ket suspentus ar galv.

RENEREZH
Mellad 5 - Renet eo ar gevredigezh gant ur C'huzul-Merañ nav ezel ennañ da vihanañ, dilennet evit tri bloaz gant ar Vodadeg Veur, hag eñ kiriek dirazi. Ur Burev c'hwec'h ezel ennañ a vez dilennet gant ar C'huzul-Merañ - ur prezidant, un eil-prezidant, ur sekretour, un eil-sekretour, un teñzorer, un eil-teñzorer - a vez aozet gantañ labour ar C'huzul-Merañ hag a gas e zivizoù da benn. Rentañ a ra kont dezhañ deus e oll intruduoù.
Adnevezet e vez ar C'huzul-Merañ bep bloaz dre drederenn ; an daou vloaz kentañ e vez tennet d'ar sord an izili o tont a guzulier. Mar be vakañs e tle ar C'huzul-Merañ erlec'hiañ e izili, da c'hortoz ar Vodadeg Veur a ray an erlec'hiañ da vat. Diwez zo da c'halloudoù an izili dilennet er mod-se da vare ma tleje finisañ respet an izili erlec'hiet.

DILENNADEGOÙ
Mellad 6 - Dilennet e vez ar C'huzul-Merañ gant ar Vodadeg Veur dre vouezhiañ a un anv div dro. Dilennet e vez ar Burev e-kreizik ar C'huzul-Merañ gant e izili dre an hevelep mouezhiañ. Evit an div vouezhiadeg e vez mouezhiet gant ar bilhed a-guzh.

EMVOD AR C'HUZUL-MERAÑ
Mellad 7 - En em vodañ a ra ar C'huzul-Merañ bep tri miz da nebeutañ diwar galv ordinal ar Burev, pe galv dreist-ordinal ar prezidant, pe diwar goulenn an niver brasañ deus e izili.
Kemeret e vez an divizoù dre vouezhiañ gant an dorn savet, nemet e vefe goulennet ober en ur mod all gant daou ezel deus ar C'huzul-Merañ da vihanañ, ha gant an niver brasañ deus ar mouezhioù. Mar bed entre daou soñj emañ an tu-kreñv gant ar prezidant.

BODADEG VEUR
Mellad 8 - Ar Vodadeg Veur ordinal emañ enni an oll izili paeet o skodenn gante, zo eno pe dileuriet. En em vodañ a ra ur wezh ar bloaz en un abadenn ordinal. Lakaet e vez an deiziad gant ar Burev.
Gallout a ra en em vodañ en un abadenn dreist-ordinal diwar goulenn an drederenn deus e izili pe diwar diviz ar C'huzul-Merañ.
Galvet e vez izili ar gevredigezh gant ar Burev miz hanter a-raok an deiziad lakaet, da vihanañ. Savet e vez ar roll-labour gant ar C'huzul-Merañ, goude kinnig an izili oberiant.

Kement ezel n'emañ ket eno a c'hall sinañ ur prokul ha reiñ e c'halloud d'un ezel all. Kement ezel zo eno ne c'hall bezañ nemet ur prokul gantañ.

Kuzuliañ a ra ar Vodadeg Veur diwar-benn an danevelloù a-zivoud ar merañ, stad moral hag arc'hant ar gevredigezh. Lâret a ra he soñj dre vouezhiañ gant an dorn savet, nemet e vefe ar c'hard deus an izili zo eno, da vihanañ, o c'houlenn e vefe mouezhiet gant ar bilhed a-guzh diwar-benn an danevelloù-se. Lakaat a ra ollad bihanañ ar skodennoù evit ar bloaz.

Kemeret e vez an divizoù gant an niver brasañ deus an izili zo eno pe dileuriet (prokul). Dleet e vez tapet betek an niver ret zo an drederenn deus an izili oberiant (zo eno pe dileuriet) d'ar c'hentañ galv.

Testennoù ar mennadoù kinniget a vo kaset da izili ar gevredigezh gant ar Burev div sizhunvezh a-raok deiziad ar Vodadeg Veur, da vihanañ, a-gevret gant ar follennoù prokul. Koulskoude, ma c'hoarvezfe un darvoud bras etretant, e vefe miret gant ar Vodadeg Veur eviti hec'h-hunan ar gwir da vouezhiañ an diviz zo dleet war ar prim. Mouezhiet e vez ar mennadoù gant an dorn savet, nemet e vefe goulennet mouezhiañ gant ar bilhed a-guzh gant ar c'hard deus an izili zo eno, da vihanañ.

Ne c'hallo bezañ gwir un dilennadeg pe ur vouezhiadeg gant ar Vodadeg Veur nemet ma vez an drederenn deus ar mouezhioù zo eno pe dileuriet, da vihanañ, savet a-du ganti.

Ma vez lakaet ar C'huzul-Merañ e-barzh an niver bihanañ gant ar Vodadeg Veur e tleo sujañ pe dilezel. Neuze e vez aozet dilennadegoù nevez dindan miz.

MADOÙ
Mellad 9 - Madoù ar gevredigezh a zeu deus :
- skodennoù-bloaz an izili ;
- ar gounidoù graet e-pad ar manifestadegoù a-wezhiadoù pe an oberiantizoù reoliek aozet gant ar gevredigezh ;
- donezonoù pe skoazelloù a vez roet d'ar gevredigezh gant tud prevez, strollegezhioù ha galloudoù publik.
Ne c'hall ezel ebet deus ar gevredigezh, n'eus forzh pesort e ve e garg, bezañ paeet.

REOLIADUR DIABARZH
Mellad 10 - Ur reoliadur diabarzh a c'hall bezañ savet gant ar C'huzul-Merañ hag a ranko bezañ asantet gant ar Vodadeg Veur. E bal zo lakaat ar c'hrafoù a bep seurt ha n'int ket lakaet amañ er statudoù-mañ, peurgetket ar re a denn da velestrerezh diabarzh ar gevredigezh.

STATUDOÙ
Mellad 11 - Kement kemm d'ar statudoù-mañ amañ a zle bezañ dalc'h ur c'hinnig deus ar C'huzul-Merañ, pe an daoufarzh deus an izili oberiant, da vihanañ, ha kaout an aotre digant ar Vodadeg Veur Dreistordinal.

DIVODAÑ
Mellad 12 - Ne c'hall bezañ divizet divodañ ar gevredigezh nemet gant ur Vodadeg Veur Dreistordinal o vodañ an daoufarzh deus an izili oberiant da vihanañ.
Neuze e vefe roet madoù ar gevredigezh dezhi hec'h-hunan d'ur gevredigezh o pleustrañ en Breizh, hañval hec'h uhelvennad hag he falioù, diwar un diviz kemeret gant ar Vodadeg Veur Dreistordinal divodañ.

Statudoù bet mouezhiet evite, d'ar 26vet a viz Mezheven 1982
Adwelet ha kemmet er Releg-Kerhuon, d'ar 15vet a viz Du 1997